LAOAG CITY – Plano ti France a pawilan dagiti ubbing nga awan pay ti tawenna a 15 manipud kadagiti social media site ken ipawil dagiti mobile phone kadagiti high school mangrugi inton Setiembre 2026.
Daytoy nga addang ket kalpasan a ngumatngato ti bilang dagiti menor de edad a maap-apektaran iti online.
Masansan nga itudtudo ni Presidente Emmanuel Macron ti social media kas maysa kadagiti rason a nasken a babalawen iti kinaranggas kadagiti agtutubo ken nangipeksa a kalikagum a suroten ti France ti Australia nga umuna a pagilian a nangipawil kadagiti awan pay ti tawenna a 16 kadagiti social media platform kas ti Facebook, Snapchat, TikTok ken YouTube idi Disiembre 2025.
Mangisubmitir ti gobierno ti draft legislation para kadagiti legal a panangtingiting iti umuna a paset ti Enero kas maibasar iti Le Monde ken France Info.
Saan a dinakamat ni Macron ti legislative push iti maysa a panagbitla ti baro a tawen ngem inkarina a maprotektaran dagiti annak ken agtutubo manipud iti social media.
