LAOAG CITY – Naragsakan dagiti ado pasaheros iti insayangkat a Free Ride ti New Laban Toda ita nga aldaw a nangrugi iti alas-siete agingga iti alas-dose iti tengnga ti aldaw.
Segun kenni Mr. Noel Villa, maysa kadagiti tricycle driver, napagnunumoan da daytoy kas pamaskua ti TODA da kadagiti pasaheros iti laksid ti kinarigat ti biag ita a panawen ti pandemya.
Inlawlawag na a narigat ti panagbiag ket saaan a lapped daytoy para kadakuada tapno tumulong kadagiti kaprobinsyaan.
Inbatad na a 20 da a tricycle driver a nagpa-free ride kas paset pay iti Christmas party da ita nga aldaw.
Kunana nga adda met ti nasurok 100 a pasaheros ti nabenipisyaran iti Free Ride nga aktibidad da.
Innayon na a kangrunaan a nailugan da ket dagiti pasaheros ti Laoag-Bann-Nueva Era a jeep nga isu ti masansan nga iluglugan da idi ordinaryo nga aldaw a panagpasada da.
