LAOAG CITY – Nag-resign ni Prime Minister Sébastien Lecornu ti France, awan pay maysa nga aldaw kalpasan a naibuksilan ti gabinetena.
Inpakaammo ti Elysée palace kalpasan a nakipagkita ni Lecornu ken ni Presidente Emmanuel Macron iti maysa nga oras idi bigat ti Lunes.
Ti shock move ket 26 nga aldaw laeng kalpasan a nadutokan ni Lecornu a Prime Minister gapu iti saan a napintas a panangidaulo ti dati a gobierno babaen ken ni François Bayrou.
Naiget a krinitikar ti National Assembly ti pannakabukel ti gabinete ni Lecornu a kaaduan ket saan a nabaliwan manipud iti gabinete ni Bayrou.
Mainaig iti daytoy, sumagmamano a partido ti agpukpukkaw para iti nasapa nga eleksion ken dadduma ti agpanpanawagan a mapan ni Macron iti baet a kanayon nga ibagbagana a saan nga agtakder sakbay nga agpatingga ti terminona inton 2027.
Naammoan nga addaan ti tallo a pagpilian ni Macron, mabalin daytoy a mangdutok ti sabali a Prime Minister, mabalin a maminsan nga ikkatenna manen ti National Assembly wenno ag-resign mismo daytoy.
Kabayatanna, ni Lecornu ket dati nga armed forces minister ken nagbalin a maikalima a Prime Minister idiay France.
