LAOAG CITY – Inpasigurado ni French President Emmanuel Macron a mangdutok ti baro a Prime Minister.
Kageddan daytoy ti panagibbat iti puesto ni Prime Minister Michel Barnier kalpasan ti no-confidence vote iti parliamento.
Iti sangapulo a minuto a panagbitlana, inpetteng ni Macron a saan daytoy nga aglusulos iti puesto.
Kunana a nakasagana isuna a mangleppas ti terminona agingga inton 2027.
Mangisaysayangkat daytoy ti taripnong kadagiti lider ti Socialist tapno mangbukel ti “fixed-term” government ngem iti babaen iti prime minister manipud iti right-wing party.
Nagyaman ni Macron ken ni Barnier gapu iti dedikasionna iti trabaho uray apagbiit laeng daytoy a nagbalin a Prime Minister.
Inakusaran ni Macron dagiti miembro ti Parliamento gapu iti panagkunsabo iti “anti-republican front” a kalikagumna a pabagsaken ti gobiernona.
