Kinumpirmaran ni FSupt. Jesus Sugui, provincial fire marshal, a nakadesignar iti Solsona Fire Station ti maika-33 a nagpositibo iti covid-19 ditoy probinsya wenno ni IN-C33.
Segun ken ni Sugui, kas requirement ti Bureau of Fire Protection ket kasapulan a dumalan iti RT-PCR test wenno swab test dagiti kameng ti BFP rason a dimmalan iti testing ni IN-C33 idi Martes, Agosto 11.
Kuna na nga apaman a naamoanna a positibo ni IN-C33 ket naipan iti lockdown ti Fire Station iti ili ti Solsona nu sadino a naka isolate dagiti dadduma a kameng ti BFP a nakapulapol na.
Innayun ni Sugui nga uray ti pamilya ni IN-C33 ket agdama a naka-isolate.
Mainaig iti daytoy, inpakaamo na a ni IN-C33 ket maysa kadagiti agsupsuplay ti danom iti border checkpoint iti ili ti Badoc.
Kabayatanna, basar iti inparuk-at nga statement ni Gobernador Matthew Marcos Manotoc ket maysa a kameng ti BFP ni IN-C33, lalaki, agtawen ti 32, residente iti Brgy. Puttao iti ili ti Solsona ken asymptomatic.
