LAOAG CITY – Apagapaman a nanayonan pay ti fuel inventory ti pagilian gapu iti mapaspasaran a krisis iti Middle East.
Basar iti Department of Energy (DOE) nga umabot pay iti 50.94 nga aldaw a mabalin nga agpaut ti langis ti pagilian.
Ti nasao a bilang ket nangatngato iti immuna a naipadamag ti ahensia nga adda ti 45 nga aldaw a nabatbati laengen.
Ti nayon a fuel supply ket kagiddan ti rakurak ni Executive Secretary Ralph Recto nga adda ti nagatang ti pagilian ti maysa a milyon a bariles wenno katukad ti 165 milyon a litro ti diesel manipud kadagiti nagduduma a pagilian.
Iti napalabas a lawas, simmangpeten ti 22.6 milyon a litro manipud idiay Japan.
Manamnama a sumangpet ti dadduma pay a suplay iti panagserrek iti bulan ti Abril.
Mamati ni Department of Energy Secretary Sharon Garin a ti agdama nga inventory levels ket kabaelanna a mangipaay ti umdas a panawen kabayatan nga iyur-uray pay dagiti sumangpet nga stocks.
