LAOAG CITY – Manamnama a mangisayangkat ti full Cabinet meeting ni Presidente Ferdinand ”Bongbong” Marcos Jr. inton umay a lawas, Enero 7.
Segun iti Presidential Communications Office (PCO) acting Secretary Cesar Chavez, mapagsasaritaan iti miting dagiti legacy projects, kas kadagiti big-ticket programs ken Official Development Assistance (ODA)-funded projects.
Maipalagip nga idi laeng kalman nagsinnukat da Pres. Marcos ken Executive Secretary Lucas Bersamin iti “some notes” mainaig iti full Cabinet meeting.
Idi napan a tawen 2024, naipadamag nga adda dua a full Cabinet meeting ni Marcos, dua special Cabinet meetings, ken 49 a sectoral Cabinet meetings.
Malaksid iti daytoy, inpakaammo pay ni Chavez a manamnama a maangay ti tinawen a tradision ti Palasio a Vin D’ Honneur inton Enero 11.
