LAOAG CITY – Nagyaman ni Mr. Jonathan Salvador, Vice President ti Asosasyon dagiti Operators ken Drivers ti rota a Laoag-Gabu ditoy ciuadad ti Laoag iti Bombo Radyo gapu iti panangirakurak da ti panangkontra da iti No Left Turn Policy iti paset ti “junction”.
Segun kenni Salvador, plano da ti agpaperma kadagiti commuter iti ikokontra da “experimental traffic scheme” ken idatag da iti LTFRB.
Nupay kasta, saan dan nga ituloy agsipod ta nagsasaritan da Vice Mayor Vicentito Lazo ken Sangguniang Panlungsod Member Edison Bonoan ti Chairman Committee on Transportation pakairamanan ti PNP Traffic Division panggep ti nasao a banag.
Nagyaman ni Salvador gapu ta napalubusan met laeng dagiti pampasahero a jeep nga aggapo iti Airport road nga agpakattigid iti Gilbert Bridge iti naituding nga oras a pannakaiyemplementar ti “No Left Turn Policy”.
