LAOAG CITY – Kontraen ti partido ni Mr. Froilan Suniga a mapagbalin a corroborative witness ni Police Lt. Joselito Rigates, hepe ti PNP Dumalneg mainaig iti kaso administratibo a naipila kontra kenni Vice Mayor Francis Espiritu.
Segun kenni Atty. Cherry Bareng, legal counsel ni Espiritu, ti testimonya ni Rigates ket saan corroborative iti testimonya dagiti dua a kameng ti Bureau of Fire Protection.
Kuna na nga ad-adda kuma pay a suportaran dagiti firemen ni Rigates gapu ta nakita na a mismo ti insidente.
Inbatad ni Bareng nga adda dagiti banag a ti laeng makaibaga ti napasamak ket ti nasao a chief of police.
Kuna ni Bareng a ni Rigates kuma pay ti masuportaran babaen kadagiti dadduma a miembro saan ketdi nga isuna ti sumuporta.
Kasapulan ti testimonya ni Rigates ken dagiti kakadua na iti PNP a nakakita iti napasamak nangruna idi napan ni Suniga iti ili ti Bangui nga isu ti maikadua a lugar a maipagarup a panangdangran ni Espiritu kenkuana malaksid iti checkpoint iti ili ti Dumalneg.
Kabayatanna, inbatad ni Atty. Ferdinand Ignacio, legal counsel ni Espiritu, a kasapulan nga adda ti suporta iti testimonya da Rigates ken dagiti dua a fireman gapu ta agpada nga adda da iti lokasyon.
Saan da a pilpiliten ni Rigates a makicorroborate mainaig iti panangsurot na kada Suniga kenni Espiritu iti Bangui gapu ta desisyon ti partido ti respondent no siasinno ti kayat da nga ipresentar a testigo.
Nupay kasta, saan a natuloy ti panagipresentar ti testigo iti biang ti Bise Mayor gapu ta makumikom daytoy ken maituloy intono Hunyo 21.
Iti immuna a hearing, kalikagum ti parte ni Suniga a maipadalan manen iti cross examine manen ni Rigates gapu ta karaman dagiti dua a fireman a nakakita ti insidente iti checkpoint iti ili ti Dumalneg.
Idinto a da Rigates ken dagiti kakadua na iti PNP Dumalneg ket maipagarup a naimatangan da ti panagdangran ni Espiritu kenni Suniga idi adda da iti ili ti Bangui.
Naan-anay kuma pay a maimbestigar ti panagtestimonya ni Rigates.
