LAOAG CITY – Manamnama a maiyakar iti bulan ti Pebrero ti pannakaselebrar ti piyesta iti ili ti Sarrat.
Segun ken ni Hon. Apolonio Medrano, Sanggunian Bayan Member iti ili ti Sarrat, adda ni inlungalong nga ordinansa dagiti kameng ti konseho iti nasao nga ili seknan ti pannakayikar ti bulan a pannakaselebrar ti piyesta iti nadakamat nga ili.
Inlawlawag na a manipod iti bulan ti Mayo, maipan iti Pebrero ti panagselebrar da gapo ta iti daytoy a bulan idi tawen 1914, isu ti pannakasukat ti nagan ti ili a dati a naawagan ti San Miguel.
Inpetteng ni Medrano a napintas ti gagem ti ordinansa gapo ta saan nukwa a magutigot a makipagpaset dagiti agad-adal ken mangisursuro a nakabakasyon nu kasta a maipan iti Pebrero ti panagpiyesta da.
Innayun na a nu maaprubaran ti ordinansa, matutukan iti maipaay a selebrasyon iti patron saint iti ili a ni Santa Monica iti bulan ti Mayo.
Selebrasyon iti pannakanagan ti ili iti Sarrat nga immanamung ni Father Joey Ranjo, ti kura paruko iti nasao nga ili.
Kuna na a maiyarigen a nagsina ti piyesta ti Sarrat ken ti piyesta ti patron saint a ni Sta. Monica.
Inlawlawag ni Ranjo a napinpintas tapno adda ti bukod a selebrasyon ti ili ken iti selebrasyon ni Sta. Monica.
Inbatad na nga iti kallabes ket arig a saan a naipaayan ti importansya ni Sta. Monica a patron saint ti Sarrat gapu dagiti nagduduma nga aktibidad ti piyesta.
Ehemplo ni Ranjo iti manarimaan a pannakaiwayat ti misa idinto a dagiti tattao ket matuukan gapu iti maiwaywayat a parada iti sentro ti ili.
Mangnamnama ni Father Ranjo nga adu met dagiti makipagpaset iti piyesta ti patron saint a ni Sta Monica itiu Mayo 4 a panagyaman kenkuana ken iti namarsua.
Innayon na a karaman pay ti panangikararag iti agtultuloy a linak urnos ken talna iti ili.
Pabor ni Mrs. Myra Bumanglag, tubo iti ili ti Sarrat ken agnanaed idiay Hawaii ti pannakaiyakar ti selebrasyon ti Binakol Festival manipud bulan ti Mayo 4 ket maipan iti bulan ti Pebrero 28 iti kada tawen.
Daytoy ket kalpasan a naaprobaran iti Sangguniang Bayan iti nasao nga ili ti nailungalong a gakat ken pirma laeng ni Mayor Remigio Medrano ti maiyur-uray.
Kuna na a ti bulan ti Pebrero ket nalamlamiis para kadakuada.
Segun kenni Bumanglag, nakasagana ti Sarratenous of Hawaii gapu ta napila da kas kadidato.
Innayon na a naimpormaran da seknan ti pannakaiyakar ti piyesta iti kallabes.
