LAOAG CITY – Napintas ken dakkel a tulong iti Bureau of Fire Protection wenno BFP ti matratratar a House Bill 6512 wenno ti kalikagum a maamyendaran ti Bureau of Fire Protection Modernization law.
Daytoy ti inbatad ni Fire Senior Inspector Ronald Castillo, ti Fire Marshal ti Bureau of Fire protection ditoy ciudad ti Laoag.
Segun kenni Castillo, adda met ti basic training dagiti personnel kas Medical First Responders ken no naan-anay a mapagbalin a linteg daytoy ket ad-adda a ma-upgrade ti kapabilidad ti Bureau of Fire Protection iti panagresponde.
Kunana nga iti agdama ket bukod nga inisyatibo ken pondo ti Bureau of Fire Protection ti maus-usar iti maiyus-uswat a panagsanay dagiti personnel.
Inlawlawag na a no maipatungpal daytoy ket posible nga adda ti maipaay nga equipment wenno apparatus a mausar ken ti kaadda ti instructors a mangsanay kadagiti baro a recruit a personnel ti Bureau of Fire Protection.
Ummuna iti daytoy, inaprubaran ti House of Representatives iti maikadua a pannakaibasa ti gakat a kalikagum a mapagbalin dagiti firefighters a certified medical first responders ken emergency medical technicians (EMT).
