LAOAG CITY – Kinontra ti election lawyer a ni Romulo Macalintal ti Senate Bill No. 2816 a gagem a mapagbalin nga uppat a tawen a termino para iti Barangay and Sangguniang Kabataan (SK) officials.
Inladawanna daytoy kas “unconstitutional, deceptive ken misleading.”
Inpetteng ni Macalintal, epektibo a maitantan ti gakat ti Barangay and SK Elections (BSKE) a naikeddeng inton Disiembre 1, 2025 a mapagbalin a May 8, 2029.
Nupay kasta, inlawlawag ti isponsor ti gakat a ni Senador Imee Marcos a maikkan ti naun-uneg a pannakaawat dagiti Barangay ken Sangguniang Kabataan officials seknan iti agpada a national ken local issues.
Nagpanawagan ni Macalintal ken ni Presidente Ferdinand Marcos Jr. nga i-veto ti gakat nga inawaganna nga “appalling, shocking ken ridiculous.”
Maipalagip nga idi Martes, inaprobaran ti Senado ti gakat iti maikatlo ken maudi a pannakaibasana idi Enero 14 nga adda ti 22 affirmative votes, awan ti negative votes ken awan ti abstentions.
Maiyallubog iti pagannurotan, maiwayat ti Barangay and Sangguniang Kabataan elections iti umuna a Lunes ti Oktubre 2027 ken tunggal uppat a tawen kalpasan iti daytoy.
