LAOAG CITY – Naaprobaran iti maikadua a pannakaibasana iti Senado ti mailunglungalong a linteg a gagem a maamendaran ti Republic Act 11235 wenno Motorcycle Crime Prevention Act wenno ti Doble Plaka Law.
Ti nasao nga addang ket ilunglungalong ni Senate Majority Leader Francis Tolentino.
Ti Senate Bill No. 2555 ket inlungalong ni Tolentino tapno maikkan ti nainkalintegan a pagannurutan kadagiti motorcycle riders a mangipasigurado a saan laeng iti seguridad ken kinatalged no di ket pakairamanan ti komunidad.
Karaman kadagiti maamendaran ket ti probision ti panagparehistro dagiti motorsiklo iti babaen ti nagdumaan ti kaso ti baro nga akinkukua manipod iti kaso ti simmarunio a pannakailako kas dagiti reposses a motorsiklo.
Kasta pay ti pannakaikabil ti RFID sticker iti sango ti motorsiklo nga imbes nga orihinal a decal plates iti babaen ti Republic Act 11235 para iti kinatalged dagiti motorcycle riders.
Iti babaen ti gakat ni Tolentino, maamendaran pay ti probision maipapan iti pannakaiyurnos ti pannusa a multa ken pannakaibalud.
