LAOAG CITY – Naipila iti House of Representatives ti gakat a gagem a maipaayan ti mandatory 14th month pay kadagiti agpapaay kadagiti pribado a sektor.
Iti babaen ti House Bill No. 3808 nga inpila ni Trade Union Congress of the Philippines (TUCP) party-list Rep. Raymond Mendoza a ti 13th month pay ket nasken a maipaay iti Hunio 24 idinto ti 14th Month pay ket agingga iti Disiembre 24 iti kada tawen.
Ti nasao a banag ket adda iti panagsarita dagiti empleado ken dagiti employers wenno no adda ti collective bargaining agreement.
Ti 14th month pay ket katukad ti maysa a bulan a maaw-awat ti maysa nga empleado iti kompania daytoy.
Naammoan a mabalin nga agpa-exempt dagiti kompania a marigrigatan ngem daytoy ket nasken nga otorisado ti Department of Labor and Employment (DOLE).
Immunan a nagpila ni Senate Minority Leader Vicente “Tito” Sotto III ti kapada a gakat iti Senado.
