LAOAG CITY – Inaprobaran ti House of Representatives ti gakat a mangipababa ti PhilHealth premium contribution rate manipud iti 5% a mapagballin a 3.5%.
Ti House Bill 11357 a gagem a papigsaen ti sistema ti salun-at ti pagilian ket makapasa iti maikadua a pannakaibasana ti viva voce.
Binalbaliwan ti nailungalong a gakat iti Universal Health Care (UHC) Act ken mangibagbaga nga aniaman a pannakabalbaliw iti kontribusion ti PhilHealth ket nasken a maibasar iti actuarial studies a tingitingen ti maysa nga independiente nga organisasion ken aprobaran ti Kongreso tunggal budget deliberations.
Iti babaen ti gakat, saanen a kasapulan pay a bayadan a buo dagiti Overseas Filipino Workers (OFWs) ti PhilHealth contribution.
Kabayatanna, 50% ditoy ket baklayen ti employer-da idinto a ti gudua a nabatbati ket bayadan ti gobierno.
