LAOAG CITY – Inaprobaranen ti Kamara iti maikadua a pannakaibasana ti gakat nga universal social pension para kadagiti amin a senior citizens ditoy Pilipinas.
Ni Marikina Rep. Stella Quimbo ti sponsor ti nasao a gakat. Iti House Bill, dagiti benepisiario a marigrigat a senior citizens ket agtultuloy a makaawat ti P1,000 iti kada buwan idinto a P500 iti kada bulan met ti ipaay kadagiti dadduma pay a miembro ti senior citizen population.
Segun ken ni Quimbo, agpapan ita a gundaway ket saan pay nga amin a senior citizens ket maik-ikkan ti maiyannatop a pension.
Iti kinapudnona, nababa iti kagudua ti agdama a sakup ti programa.
Gapu iti daytoy, iti babaen ti universal pension, dagiti amin a senior citizens ditoy Pilipinas — marigrigat man wenno baknang, addan ti maaw-awatna a pension wenno awan pay ket makaawaten ti pension.
Kuna ni Quimbo, otomatiko a ti panagbalin a miembro iti social pension laketdi dagitoy ket agtawen ti 60 agpangato.
Inpetteng ni Quimbo, panawenen nga ikkan ti gungguna dagiti kontribusion dagiti senior citizen isu a masapol a pagbalinen a linteg ti mailunglungalong a gakat.
