LAOAG CITY – Naipila ti maysa a gakat iti senado a gagem na nga iraman ti internet safety education iti elementary ken high school curriculums tapno ballaagan dagiti ubbing manipod kadagiti pangta iti online.
Inpila ni Senate President Pro Tempore Jinggoy Estrada ti Senate Bill 1934 wenno ti Internet Safety Education Act “ tapno ikkan ti bileg dagiti ubbing kadagiti mekanismo para iti natalged a pananglaban iti virtual a lubong iti nasapsapa ken makissayan, no saan man a maikkat dagiti pangta wenno itundana a risgo daytoy.
Iti pannakaipila ti gakat ket dinakamat ni Estrada ti panawagan ti United Nations International Children’s Emergency Fund (UNICEF) idi 2017 para iti global community a mangparnuay ti natalged a digital world kadagiti ubbing.
Dinakamat na pay ti nagbalin a rakurak ti United Nations International Children’s Emergency Fund ti makaalarma a sitwasyon iti Pilipinas no sadinno a ti pagilian ti kangrunaan a paggapgapwan ti child pornography ken ayan ti hub para iti livestream sexual abuse trade.
Maibasar iti datos, siyam iti kada 10 nga ubbing a Pilipino ti vulnerable iti online sexual abuse wenno bullying.
