LAOAG CITY – Naipasan iti konseho iti maikadwa ken maudi a pannakabasa ti gakat para iti Annual investment plan ken annual development plan ditoy ciudad ti Laoag para intono 2020.
Pito dagiti kameng ti konseho a pimmabor iti pannakaipasa ti Annual investment plan, tallo ti kimmontra idinto a maysa ti nag-abstain.
Maysa kadagiti kimmontra ket ni Sang Panlungsod member RJ Fariñas idinto a ti kakaisuna a nag-abstain ket ni Sang panlungsod member Atty. Jason Perera.
Iti palawag ni Konsehal Fariñas iti Bombo Radyo Laoag, inbatad na a saan a pimmabor iti pannakaipasa ti annual investment plan gapu ta awan pay ti naawat na a kopya.
