LAOAG CITY – Nailungalong manen ti gakat ti pannakaiget ti access dagiti ubbing agtawen 15 pababa iti social media kageddan ti pammaltog a napasamak iti uneg mismo ti pagadalan idiay Tacloban City.
Segun ken ni Senador Joel Villanueva, ti agdama a Senate Committee on Higher, Technical, and Vocational Education a masapul a tingitingen ti nagduduma nga aspeto a naka-impluwensia iti ugali ken well-being dagiti agtutubo karaman dagiti ipakpakitada a risgo kadagiti content online.
Inpettengna a masapul a maadal a nasayaat dagiti addang tapno ad-adda a maprotehiran dagiti menor de edad.
Iti agdama, adda sumagmamano a gakat a mailunglungalong mainaig iti panagusar dagiti menor de edad ti social media a naitantan iti kongreso.
