LAOAG CITY – Gapu ti imon, ti motibo ti panagpakamatay ti maysa a manalon idiay ciudad ti Batac.
Daytoy ti pinasingkedan ni P/Supt. Marlon Paiste, ti Chief of Police iti nadakamat a ciudad.
Kuna ni Paiste, nagtext pay laeng ni Tito Ruado, agtawen iti 43 addaan iti asawa ken residente ti Bgy. Pimentel, iti pamilya na nga agpakamatay daytoy no saan da nga agawid.
Kuna na a makalawasen a nagtalaw ti asawa ti biktima kadua na dagiti annak da.
Ibilang ni Paiste nga awan “foul play” iti panagpakamatay ni Ruado babaen iti panangibitin na ti bagbagi na iti sanga ti mangga nga adda laeng iti likod ti balay da babaen iti panangaramat na iti nylon a tali.
Kiniddaw pay ni Paiste kadagiti umili iti ciudad ti Batac a no adda problema da ket iyat- atiddog da ti agpanonot ken pasensiya tapno saan da a makapanonot iti madi nga aramid kas iti panagpakamatay.
