LAOAG CITY – Kinumpirmaran ni Police Captain Joseph Calderon, OIC ti PNP Bacarra a saan a nalmes ti biktima a ni Butac.
Kuna na a basar iti uliteg ti biktima a ni Fernando Butac, nakita na pay laeng ti kaanakan na a magmagna iti pagtatalonan iti nasao a barangay iti agarup alas-kuatro diyes ti malem iti kalman.
Segun kenni Calderon, nasakit ti buksit ti biktima ken adda ti rimwar a dara iti ngiwat na.
Agarup alas-kuatro kuarenta, inbatad na a nakita ti uliteg ti kaanakan na a nakadasay daytoy ken saanen nga agang-anges.
Gapu iti daytoy, timmawag ni Butac iti PNP ken dagus nga inpakaammo da met kenni Dr. Manuel Andres, Municipal Health Officer nga isu ti nangideklara a pimmusay daytoy.
Inbunannag na a ti gapu na a pimmusay ti biktima babaen iti duktal ni Dr. Andres ket Gastro-intestinal bleeding ken nakumbinsir ti pamilya nga isu ti nakatayan ti kabagyan da.
Naamuan ni Calderon manipud iti pamilya Butac ket dati nga ang-angalen ti biktima ti buksit na iti kallabes.
Innayon na nga awanen ti nakita da a sabali pay a rason a nakatayan ti biktima.
