LAOAG CITY – Kinumpirmaran ni Dr. Rocamia Fermin, maysa a neonatologist iti Mariano Marcos Memorial Hospital and Medical Center (MMMH&MC) iti siudad ti Batac a ti gatas ti ina ket mabalin a proteksyon dagiti ubbing manipod iti covid-19.
Segun ken ni Dr. Fermin, pudno ti nasao a banag gapu ta napaneknekan iti maysa a panagadal a ti antibodies ti breastmilk ket isu ti manglaban ti impeksyon iti bagi ken mangtulong a mangpapigsa ti immune system kadagiti ubbing.
Inlawlawag na a saan na a kayat a sawen a ti breastmilk ti agas para iti virus ngem ketdi makatulong laeng a maprotektar ti salun-at kontra iti virus.
Mainaig iti daytoy, inbatad na a manarimaan ti panagsukisok dagiti medical experts no mabalin ti breastmilk a panglaban ti virus dagiti natataengan.
Immuna iti daytoy, adda dagiti timpuar a nagduduma nga artikulo mainaig iti breasmilk a mabalin pangotra dagiti ubbing iti makapatay a coronavirus.
Kabayatanna, Dr. Fermin dagiti inna nga agidonar ti breastmilk para iti naiyestablisar nga Human Milk Bank iti nasao nga ospitasl tapno matulungan dagiti premature babies ken dagiti kritikal a naipasngay.
