LAOAG CITY – Inpaayan ti pammigbig ti Philippine Coast Guard (PCG) ti aktor a ni Gerald Anderson gapu iti panagtulongna kadagiti naapektaran ti Bagyo Carina iti National Capital Region.
Inikkan ni Commandant, PCG Commandant CG Admiral Ronnie Gil Gavan ti PCG Auxiliary Search and Rescue Medal ken Ribbon ti aktor.
Naammoan a ti nasao nga award ket kas pammigbig iti aktor gapu iti panagtulongna iti rescue operation idi kangitingitan ti bagyo a nangitunda ti nalawa a panaglayus.
Napalaos met ti panagyaman ti aktor iti coast guard ken mangnamnama daytoy a tuladen isuna dagiti dadduma a mangaramid ti wagas a makatulong kadagiti agkasapulan.
