LAOAG CITY – Nasentensiaan ti maysa a German nurse ti tungpal-biag a pannakaibalud gapu iti panangpapatayna ti 10 a pasiente.
Basar iti German court, napilaan ti kaso a murder ti suspek gapu iti panangpapatayna kadagiti 10 a pasiente babaen ti lethal injections.
Malaksid iti daytoy, nakasoan pay ti nasao a nurse ti attempted murder gapu iti pananggandatna a papatayen ti 27 a dadduma pay.
Segun kadagiti Prosecutors, tinudukan ti nurse dagiti natataengan a pasiente iti painkillers wenno sedatives tapno makissayan ti workload-na iti rabii.
Mainaig iti daytoy, inlawlawag ti pannakangiwat ti korte iti Aachen, gapu iti insidente ket nalidem a makaruar iti pagbaludan ti nurse kalpasan ti 15 a tawen, ti kababaan a panawen a maiserbi para iti tungpal-biag a pannakaibalud idiay Germany.
Naammoan a naaramid ti nurse ti krimen iti nagbaetan ti Disiembre 2023 ken Mayo 2024 iti klinika iti asideg ti Aachen iti laud a paset ti Germany.
Iti agdama, kitkitaen dagiti otoridad ti dadduma pay nga insidente iti panawen ti panagtrabaho ti nurse.
Kabayatanna, basar iti Germany’s post-war history, maysa a dati a nurse ti naibalud idi 2019 iti tungpal-biag gapu iti panangpapatayna ti 85 a pasiente daytoy.
