LAOAG CITY – Nagbutos ti Germany a maisubli ti boluntario a military service kas wagas iti kalikagum a mapapigsa pay ti national defences kalpasan ti panangraut ti Russia iti Ukraine.
Daytoy ket mangipakita ti maysa a napateg a panagbalbaliw iti diskarte ti Germany iti militar daytoy ken sumursurot iti panangilungalong ni Chancellor Friedrich Merz nga agaramid ti kapigsaan a conventional army ti Europe.
Ti panagbalbaliw ket mangipasimudaag nga amin nga agtawen ti 18 idiay Germany ket maipatulodan ti questionnaire mangrugi inton Enero 2026 a mangsaludsod kadakuada no dagitoy ket interesado ken nakasagana makipaset iti armada no sadinno nga agbalin a mandatory ti form para kadagiti lallaki ken boluntario para kadagiti babbai.
Nupay kasta, nakipaset dagiti estudiante kadagiti pagadalan iti sumurok 90 a siudad iti pannakaiwayat ti tignay protesta kontra iti tignay.
Naruay nga agtutubo a German ti mabalin a kontra iti baro a linteg wenno agduduada laeng.
Mainaig iti daytoy, agarup 1,500 a tattao idiay Hamburg ti manamnama a makipaset iti tignay protesta ken binallaagan dagiti school head teachers dagiti nagannak a saanda a palubosan nga iruar dagiti annakda kadagiti pagadalan iti naikeddeng nga aldaw.
Nagbutos dagiti German MPs ti 323 votes tapno suportaran ti panagbalbaliw a mapagbalin ti pagilianda kas kabaroan nga European country tapno mangirubuat ti sumagmamano a wagas iti pannakapabaro ti military service.
Naammoan nga idi napalabas a bulan, inrakurak ti France a nairubuat ti 10 a bulan a boluntario a military training para kadagiti agtawen ti 18 ken 19.
Kabayatanna, inlawlawag ti gobierno a ti military service ket mapagbalin a boluntario no mabalbalin ngem manipud inton Hulio 2027, amin nga agtawen ti 18 a lallaki ket dumalan iti medical exam tapno matingiting ti physical fitness-da para iti posible a military service.
