LAOAG CITY – Inawat dagus ni Ghana Vice-President Mahamudu Bawumia ti pannakaabak na iti eleksyon ken kinablaawan na ti opposition candidate a ni dati a President John Mahama iti panagballigi na.
Inrakurak ni Bawumia a dagiti tattao ket nagbotos para iti panagbalbaliw ti pagilian da.
Nangiyuswat ti eleksyon ti Ghana gapu iti kumarkaro a krisis iti ekonomiya ti pagilyan a nangitunda ti panagngato unay ti presyo dagiti magatgatang ken marigatan dagiti tattao a makastrek ti trabaho.
Malaksid iti daytoy, marigatan pay ti Ghana a mangbayad ti utang da kadagiti nagduduma a pagilian.
Kabayatanna, iti baet nga inawaten ni Bawumia ti pannakaabak na ket awan pay ti naiparukpat nga opisyal a resulta ti naiyuswat a panagbotos iti Ghana.
