LAOAG CITY – Kampante ti baro a Gilas Asst. Coach a ni Sean Chambers nga adda tyansa ti Pilipinas a makastrek iti Paris Olympics.
Segun ken ni Chambers, adda ‘legitimate chance’ ti Gilas a malab-awan ti FIBA Olympic Qualifying Tournament a maiwayat idiay Riga, Latvia, inton July 2 aginnga July 7, 2024.
Mangnamnama ti veteran coach a makaiyeg ti team iti napintas a laban kontra kadagiti mabigbig a team.
Maragsakan pay ni Chambers iti ipak-pakita nga ay-ayam da Kai Sotto, June Mar Fajardo, Dwight Ramos ken Justin Brownlee kadagiti international competition-da.
Kabayatanna, manamnama a makabinnalubal ti Gilas dagiti naipigsa a basketball team a pakairamanan ti Latvia a No.6 iti sangalubongan ken ti Georgia a No. 23 iti group A.
