LAOAG CITY – Inabak ti Gilas Pilipinas ti host country a Qatar iti iskor a 74-71 iti panangrugi ti friendly games iti Doha International Cup.
Kinamat ti Gilas ti 11 points a lamang ti Qatar 60-49 iti third quarter agingga a naiserrek ni June Mar Fajardo ti free throws-na ken daytoy ti nangpababa ti siam a lamang ti host country iti panagserrek ti last quarter.
Iti last quarter ket simmubbot ni Justin Brownlee manipud iti saan a napintas a rugi daytoy iti umuna a tallo a quarter a nakairekord ti 5-0 run.
Nagun-od ni AJ Edu ti dunk ken nakumpletona ti 7-0 run ti Gilas ken naipababa ti lamang ti Qatar iti iskor a 66-65.
Iti maudi a minuto ti last quarter ket naaramid ti Gilas ti depensa agingga a nagun-odna ti panagballigi.
