LAOAG CITY – Bimmales ti New Zealand kontra iti Gilas Pilipinas kalpasan a nangipakita ti napintas nga ay-ayam ken inabakna ti Pilipinas iti iskor nga 87-70 isu a nakastrekdan ti team iti Group B para iti panagleppas ti labanda iti 2025 FIBA Asia Cup Qualifiers a naisayangkat idiay Spark Arena, New Zealand.
Maipalagip a nakairekord ti Tall Blacks ti kaunaan a pannakaabakda kontra iti Pilipinas iti FIBA idi Nobiembre 2024 ngem pursigido daytoy manipud iti rugi ken saanen a nagpaatiw pay ken nakagun-od ti 5-1 a record.
Nagleppas ti Gilas Pilipinas iti nagsaruno a pannakaabak iti iskor a 4-2 ngem siguradon a makastrekda iti tournament proper inton Agosto idiay Jeddah, Saudi Arabia.
Immarangkada ti New Zealand no sadinno a simrek dagiti adayo a tira da Toho Smith-Milner ken Jordan Ngatai a nakaaramid ti innem a three-pointers iti umuna a kuarter pay laeng ti ay-ayam.
Kabayatanna, iti panagleppas ti umuna a kuarter, lamangen ti Tall Blacks, 30-15.
