LAOAG CITY – Nagbalin a napintas ti ar-aramiden a panagsagsagana ti Gilas Pilipinas para iti 2024 FIBA Olympic Qualifying Tournament.
Daytoy ket kalpasan nga inabakda ti Taiwan Mustangs iti iskor a 74-64 a naiyuswat iti Philsport Arena idiay Pasig City.
Indauloan iti panangabak ti Gilas ni Dwight Ramos a nakairekord ti 19 points, tallo a rebounds idinto a ni Justin Brownlee ket addaan ti 12 points, 15-assists ken lima a rebounds.
Kalpasan ti lima a puntos a lamang iti first quarter ket immarangkadan ti Gilas apaman a simrek ti third quarter.
Agturungen ti Gilas Pilipinas idiay Europa no sadino umuna a makasangoda ket ti Turkey inton Hunio 27 ken Poland met inton Hunio 30 para iti baro a tune up games.
Makalabanda ti Latvia ken Georgia iti Olympic Qualifier Tournament.
