LAOAG CITY – Agsagsaganan ti Gilas Pilipinas iti maminsan manen a panagsangoda ti New Zealand Tall Blacks iti maudi a window ti FIBA Aisa Cup 2025 qualifiers.

Ti mangabak kadagiti dua ket isu ti mangipakita a mangidaulo iti koponan iti Group B.

Agpada nga addaan ti uppat a balligi ken maysa a pannakaabak ti Gilas Pilipinas ken New Zealand.

Naammoan a ti dua a koponan din ket agpada a nakastreken iti FIBA Asia Cup a maisayangkat inton Agosto idiay Jeddah, Saudi Arabia.

Maipalagip nga inabak idin iti napalabas a tawen ti Gilas ti New Zealand iti iskor a 93-89 a maibilang a dakkel a balligi ti national team idi abaken ti ranked 22 iti intero a lubong.