LAOAG CITY – Nagbalin a napintas ti panangrugi ti Gilas Pilipinas ti training camp-da para iti third window ti 2025 FIBA Asia Cup Qualifiers.
Nangrugi ti panagsanayda iti Inspire Sports Academy idiay Laguna.
Karaman kadagiti sagsaganaan ti national basketball team ket ti exhibition games-da idiay Doha, Qatar.
Naammoan a dagiti sumagmamano a nagatendar iti nasao nga ensayo ket isuda Dwight Ramos, AJ Edu, RJ Abarrientos, Ralph Cu, Carl Tamayo ken Kevin Quiambao.
Nagatendar pay dagiti assistant coaches nga isuda Sean Chambers ken Richard Del Rosario ken Alfrancis Chua.
Inton bigat, aldaw ti Biernes ket mangrugi ti friendly games idinto nga inton Pebrero 20 ket makalabanda ti Chinese Taipei idinto ti New Zealand ket inton Pebrero 23.
Maipalagip a siguradon a nakastreken ti Gilas Pilipinas iti FIBA Asia Cup a maisayangkat idiay Saudi Arabia inton bulan ti Agosto kalpasan a nagun-odna ti 4-0 win-loss record iti Group B.
