LAOAG CITY – Inadmitir ni Gilas Pilipinas coach Tim Cone a saan da pay a naan-anay a nakasagana,maysa a lawas sakbay a mangrugi ti FIBA Olympic Qualifying Tournament idiay Riga, Latvia.
Inbatad na nga adda dagiti ipatungpal da pay a panagbalbaliw ken dakkel a tulong ti dua a friendly match kontra iti Turkey ken Poland.
Makasango da ti Poland intono Hunyo 30 ita a tawen idinto a napaay da iti Turkey.
Kalikagom a makita ni Cone ti panagpursige dagiti players na tapno abaken ti Latvia ken Georgia iti FIBA Olympics Qualifiers.
Ti Latvia ket number 6 iti intero a lubong kalpasan a nagngudo da kas maikalima a pwesto iti FIBA World Cup idinto a ti Georgia ket number 23 ken umabot da pay iti 16 rounds idi World Cup.
Maysa pay a karit kadakuada ti Georgia gapu ta adda dagiti NBA players da nga isuda Goga Bitadze ken Sandro Mamukelashvili.
Mangrugi ti Olympic Qualfying Tournament intono Hulyo 2 agingga iti Hulyo 7.
