LAOAG CITY – Agsentro ti atension ti Gilas Pilipinas iti second window ti 2025 FIBA Asia Cup qualifiers a maisayangkat inton Nobiembre iti pagilian.
Itugot ti Gilas Pilipinas ti napintas a momento manipud iti nagbalin a kapadasan daytoy iti FIBA Olympic Qualifying Tournament a naiyuswat idiay Riga, Latvia.
Maipalagip a kinigtot ti Pinoy cagers ti world No. 6 Latvia iti bendision ti 89-80 a panangabak iti group stage.
Naiget a nakilaban ti Gilas Pilipinas iti Georgia sakbay a naatiw iti iskor a 96-94.
Kabayatanna, kumbinsido met ni Tim Cone a pammaneknek laeng daytoy a kabaelan a makigiddan ti Gilas Pilipinas kontra kadagiti napipigsa a koponan iti intero a lubong.
