LAOAG CITY – Ginasot nga estudyante idiay Indonesia ti nagsakit kalpasan ti pannangan da iti libre nga school meals.
Daytoy ket kageddan ti mapagarop a food poisoning a makaapektar iti government-funded program.
Naamoan a sipud Enero nga inrubwat ni President Prabowo Subianto ti billion-dollar scheme ket rinibo a tattao ti nagsakit nga isu ti nangitunda iti panangibaga dagiti kritiko a nasken a masuspenso daytoy gapo iti isyu iti hygiene.
Segun kenni Gunungkidul district head Endah Subekti Kuntariningsih, nasurok 660 nga agad-adal manipud kadagiti dua a pagadalan iti central Java ti nagpasar ti sintomas iti food poisoning.
Inbatad na pay a sangapulo a mangisursuro iti maysa kadagiti pagadalan ti apektado pay iti daytoy.
Mainaig iti daytoy, kunana a nasken nga imonitor dagiti headmasters kadagiti pagadalan dagiti adalan da a nakaaawat iti makan.
Kunana pay a masapol nga ibaga dagitoy kadagiti estudyante da a makikoordinar da iti community health centers no ada dagiti mapasaran da a sintomas.
Innnayon na a karaman kadagiti napasaran dagitoy ket diarrhea, nausea ken panagulaw ken umaboten iti 64 a tattao ti nataming kadagiti health clinic ken ospital.
