LAOAG CITY – Nagsardeng ti Global childhood immunization coverage idi 2023, a nangibati iti kanayonan a 2.7 a milion nga ubbing nga awanan iti umdas a bakuna no idasig iti pre-pandemic level idi 2019, segun iti datos nga inruar ti World Health Organization (WHO) ken United Nations International Children’s Emergency Fund.
Basar iti kaudian a datos dagiti nadakamat nga organisasion ti national immunization coverage (WUENIC) ket mangipaay iti kadakkelan ken komprehensibo a data set kadagiti immunization trends for vaccinations para iti 14 a sakit.
Segun kadagiti organisaion, natakuatan a nagtalinaed iti 84% wenno 108 milion nga ubbing ti bilang dagiti ubbing a nakaawat iti tallo a dozes ti bakuna kontra diphtheria, tetanus, ken pertussis (DTP) idi 2023.
Nupay kasta, ngimmato ti bilang dagiti ubbing a saan a nakaawat uray maysa laeng a dozes ti bakuna manipud 13.9 milion idi 2022 agingga iti 14.5 milion idi 2023.
Kabayatanna, nasurok kagudua kadagiti saan a nabakunaan nga ubbing ti agnanaed iti 31 pagilian a napanglaw, naapektaran iti gubat gapu iti kinakurang ti pannaka-access iti seguridad, nutrision, ken serbisio ti salun-at.
