LAOAG CITY – Naruay dagiti naapektaran nga airlines, banko, negosyo dadduma a serbisio ti emerhensia kalpasan ti global outages.
Namunganay ti nasao a parikut iti Microsoft service no sadinno nga impasigurado ti kompania nga mannarimaan ti panang-urnos da iti daytoy.
Segun iti digital security authority ti Germany, ti global IT outage ket gapu iti ‘faulty update’ manipud iti cybersecurity company a CrowdStrike a nangapektar kadagiti Windows-based computers.
Kinuna ni CrowdStrike Chief Executive Officer George Kurtz a dagus a naammuanda ti nagtaudan ti parikut ken agtartrabahodan a mangtarimaan iti daytoy.
Inlawlawag ti kompania a saan nga hacking ti napasamak, ngem nu pay kasta ket nakaapektar daytoy iti operasyo kadagiti nagduduma nga eropuerto.
