LAOAG CITY – Naipakita iti baro a panagadal a dagiti tattao nga addaan iti alcohol use disorder nga agus-usar kadagiti agas a kas ti GLP-1 ket 50% a nababbaba ti risgoda iti alcohol intoxication no idasig kadagiti saan nga agus-usar iti nadakamat nga agas.
Mainaig iti daytoy, naipakita a dagiti tattao nga addaan iti opioid use disorder nga agus-usar kadagiti GLP-1 drugs a kas iti Ozempic ket addaan iti 40% a nababbaba a tsansa ti opioid overdose no idasig kadagiti saan nga agususar.
Inlawlawag dagiti researchers nga epektibo ti agas a GLP-1 iti maysa a paset ti utek a makatulong a manglapped iti ganas a mangan.
Innayonda a mabalin nga apektaran met ti agas dagiti asideg a paset ti utek a a mangitunda ti adiksion.
