LAOAG CITY – Nangiparuk-at ni Gob. Matthew Marcos Manotoc ti Executive Order No. 55-20 series of 2020 seknan ti pannakaiyemplementar ti “Integrated Checkpoint Against Criminality” wenno ICA.
Daytoy ket tapno malapdan iti aniaman a krimen ditoy probinsya.
Nakalanad iti EO nga isayangkat dagiti nagduduma nga ahensya ti checkpoint tapno mamonitor dagiti aktibidad.
Gagem ti Gobierno Probinsyal a malapdan iti aniaman a krimen babaen iti pannakaipatungpal ti proactive measures babaen iti pannakanayon ti visibility dagiti enforces.
Ti ICAC ket bukbuklen dagiti departamento ti Gobierno Probinsyal kas ti Quarry Office, Treasurer’s Office, Environment and Natural Resources Office, Veterinary Office ken Agriculture Office.
Karaman pay ditoy ti Ilocos Norte Police Provincial Office ken Provincial Enviroment and Natural Resources Office.
Masapul a mangiyuswat dagiti nadakamat nga ahensya ti training ken seminar para kadagiti opisyal a madeploy kadagiti lugar a makaiyemplementaran ti ICAC.
