LAOAG CITY – Addaan ti umdas a pundo ti gobierno tapno suportaran dagiti relief ken rehabilitation efforts kadagiti lugar a naapektaran ti Severe Tropical Storm Kristine.
Segun ken ni Finance Secretary Ralph Recto, mabalin nga alaen dagiti pundo tapno nayonan ken papigsaen ti panagsagsagana iti didigra dagiti local government units (LGU).
Mabalin nga usaren ti pundo para iti reconstruction, rehabilitation wenno repair kadagiti nadadael a kalsada, rangtay ken dagiti pasdek kalpasan ti simmangbay a didigra.
Naammoan a ti pundo ket mabalin pay nga usaren tapno maidanon dagus dagiti kasapulan dagiti naapektaran a komunidad babaen iti pannakaipaay ti food packs, first aid ken dagiti agas.
