LAOAG CITY – Agkasapulan ti ₱4.5-B a subsidy ti gobierno tapno mailungalong ti pannakailako iti 20 a pisos a kada kilo ti bagas.
Daytoy ti nagbalin a reaksion ti Samahang Industriya ng Agrikultura (SINAG) kagiddan ti rakurak ti Department of Agriculture (DA) a parugianen ti plano.
Inbatad ni Samahang Industriya ng Agrikultura Executive Director Jayson Cainglet a posible laeng a maaramid daytoy iti babaen ti subsidy.
Maipalagip a paset iti campaign promise ni Presidente Ferdinand Marcos Jr. a maipababa iti 20 a pisos iti kada kilo ti presio ti bagas.
Iti panagkuntar ni Cainglet, no gatangen ti National Food Authority ₱18 iti kada kilo ti irik manipud kadagiti mannalon ken adda ti 33 agingga iti 34 a pisos iti kada kilo ti gastos iti panaggiling a mangipasimudaag ti 14 a pisos iti kada kilo ti agbalin a subsidy ditoy ti gobierno.
Naammoan a no aglako ti dumanon iti 320 million kilos wenno 320 thousand metric tons para iti nine days consumption ket mabalin a dumanon iti ₱4.5 billion.
Nagpalagip ti grupo, nasken a saan a baraten dagiti local farmers iti panaglako ti ₱20 iti kada kilo ti bagas.
