LAOAG CITY – Kalikagum ni House Deputy Majority Leader Rep. Erwin Tulfo a ti Department of Agriculture laengen ti agangkat ti bagas manipud iti ballasiw-taaw gapu ta saan met a bumabbaba ti presio ti imported rice iti merkado.
Inbatadna nga arig ti mabenbenepisiaran ket dagiti importer met laeng isu a masapol ti dagus a panagtignay ti gobierno.
Mangilungalong ti gakat ni Cong. Tulfo ita nga aldaw kaduana da Cong. Edvic Yap ken Jocelyn Tulfo ti ACT-CIS Partylist, Benguet Rep. Eric Yap ken Quezon City Rep. Ralph Tulfo nga ikkan ti bileg ti Department of Agriculture nga ag-import ti bagas tapno mailako kadagiti tiendaan.
