LAOAG CITY – Kinumpirmaran ni Police Staff Sergeant Sonny Cuaresma, mangidadaulo ti PNP-Traffic Division iti ili ti San Nicolas a sumurot da iti No Left Turn Policy.
Segun kenni Cuaresma, apaman a maipatungpal daytoy ket maiparit tun ti agpa-kannigid no sumrek iti dakkel a Mall ken ti agbalin nga alternate route ket ti sango ti simbaan iti nasao nga ili.
Inlawlawag na a maipatungpal ti No Left Turn Policy iti oras ti alas-singko agingga iti 6:30 ti malem iti kada aldaw wenno Lune agingga iti Domingo.
Mainaig iti daytoy, kuna ni Cuaresma a nagsasarita ti biang ti PNP ken ti liderato ti nasao a Mall seknan iti daytoy ken saan da met a kimmontra.
