LAOAG CITY – Nakabiruken ti solusion ti gobierno tapno maipababa ti presio ti bagas iti merkado publiko.
Segun ken ni Presidente Ferdinand Marcos Jr. nga adda ti saritaan ti Senado ken Kamara maipapan iti panagangkat ti bagas ti national government.
Inbatadna a saan a kayat nga unnaan ti bicameral committee ngem dinakamatna ti maipanggep iti panaglako ti nalaka a bagas ti gobierno tapno sumurot ti merkado publiko.
Kunana a saanna pay a masinunuo no ania nga ahensia ti umuna ngem isu ti agdesision no ania ti kasayaatan nga aramiden tapno maipababa ti presio ti bagas iti kabiitan a panawen.
Malaksid iti daytoy, desidido met ti Presidente a sertipikaran kas urgent ti pannakaamendar ti Rice Tariffication Law.
