LAOAG CITY – Addan ti panagbaba iti mairekrekord a dengue cases ditoy pagilian kagiddan ti nagduduma nga addang nga ipatpatungpal ti gobierno.
Inbatad ni Palace Press Officer Claire Castro, karaman ditoy ti napaigetan a vector control na ibinaba mismo sa naipatungpal kadagiti komunidad.
Kunana a dakkel ti nagbalin nga akem ti health education program iti panagbaba ti case fatality rate nangruna ket agbalbalinen a naridam ken nasapsapa nga agpapakonsultar dagiti pasiente ti dengue.
Inlawlawag ni Castro, nagbalin nga alisto ti pannakaipaay ti umdas a medical attention para kadagiti agturturong iti dengue Fast Lanes kadagiti Department of Health (DOH) hospitals.
Manipud idi Marso 16 agingga iti 29, bimmaban iti 9,289 dagiti nairekord a baro a dengue cases maidasig iti 12,050 idi Marso 1 agingga iti 15.
Iti baet daytoy, inpakaammo ni Castro, saan a nasken nga agpakampante ti gobierno ken rumbeng a pagtalinaeden dagiti ipatpatungpal nga addang.
Nagpalagip ti Palasyo, saan a baybay-an ti disiplina iti panagdalus ken panagsagsagana iti panawen kontra iti dengue.
