LAOAG CITY – Gutgutiguten ti gobierno probinsial dagiti merchants wenno dagiti babassit a negosyante ditoy probinsia a mapan agpalista para iti Mercato ni Naynay Ces.
Ti maiyuswat a mercato ket maibilang kas naindaklan nga aktibidad ditoy probinsia a maangay intono Marso 21 agingga iti Marso 22 ita a tawen iti Centennial Arena Parking Area.
Gagem daytoy nga aktibidad a mangipaay ti oportunidad kadagiti babassit a negosyante tapno itampok ti bukod a produkto.
Mangipaay pay daytoy ti gundaway tapno matulungan dagiti negosyante a manayunan ti mapastrek da uray iti las-ud laeng ti dua nga aldaw.
Inbatad ti gobierno probinsyal a dagiti mangayat nga agrehistro ket bisitaen da laeng ti online page ti Mecarto ni nanay ces.
