LAOAG CITY – Naiget ti koordinasyon ti gobierno probinsial iti nagduduma nga ahensya para ti ad-adda pay a pannakapadur-as ti turismo.
Segun kenni Vice Governor Matthew Marcos Manotoc, dagiti kangrunaan nga ar-aramiden ti probinsia ket ti pannakapapintas dagiti pagpasyaran kas koma ti Avis Fals, Malacañang of the North a manarimaan ti pannaka-renovate na, dagiti monumento ken museum.
Kuna ni Manotoc a napintas ti kooperasyon da Governor cecilia araneta Marcos, tourism team ken dagiti tourism stakeholders.
Patien na a dakkel a banag dagiti marketing strategies, pakairamanan dagiti packaging dagiti proyekto a dagitoy ket localized approach ken masapol a dagiti stakeholders ket mangngeg dagiti pakaseknan da tapnu matulungan da.
Malaksid iti daytoy ket manarimaan ti pannakapapintas ti Laoag International Airport, babaen ti pannakaipalawa ti runway iti tulong ti Department of Transportation ken pannakapapintas pay ti Golf course tapnu ad-ado a foreign visitors ti maallukoy nga umay bumisita ditoy probinsya.
