LAOAG CITY – Patien ti gobierno probinsyal a kabaelan dagiti agar-aramid ti asin ditoy probinsya a makaaramid iti makaumanay a suplay babaen ti baro a teknolohiya.
Daytoy ket ti Gourmet Salt Processing nga inpaay ti Department of Science and Technology (DOST) kabayatan ti pannakaisayangkat ti “One in Accelerating Salt Innovations” wenno One ASIN.
Mamati ti gobierno probinsial a babaen iti panagbibinulig dagiti maseknan nga ahensya ti gobierno ket matungpal daytoy sipod ta adda pay ti salt analysis center a mausar para ti napinpintas pay a kalidad ti asin a maaramid.
Mainaig iti daytoy, inpadanun dagiti salt maker ditoy probinsya ti napalaus a panagyamanda iti Department of Science and Technology, pakairamanan dagiti kabinbinnulig ti gobierno probinsyal ken ti gobierno lokal iti ili ti Burgos, Mariano Marcos State University, Don Mariano Marcos Memorial State University ken ti pribado a sektor.
