LAOAG CITY – Nangipaay ti gobierno probinsial ti pinansial a tulong para kadagiti benepisiario ti Review and Examination Assistance Program ditoy probinsya.
Segun ken ni Mr. Willie Jake Sib-at, mangidadaulo iti Ilocos Norte Youth Development Office, adda ti 119 a benepisiario a nakaawat ti nasao a tulong iti kallabes.
Kuna na a tunggal maysa ket nakaawat iti uppat a ribu a pisos manipod iti gobierno probinsial.
Inpakaammo na a dagitoy ket dagiti nageksamen ken ageksamin pay laeng ti licensure examination iti umuna a kwarter ti tawen.
Karaman ditoy ti Licensure Examination para kadagiti Criminologist, Professional teachers, ken Mechanical Engineering.
Kabayatanna, immunan nga inrakurak ti nasao nga opisina a manarimaan manen ti panagagawat da ti aplikasyon para iti maikadua a kwarter.
