LAOAG CITY – Sinelebraran gobierno probinsial ti National Heritage Month babaen iti “special exhibition” a napauloan “INabel: Living Threads”.
Naisayangkat ti nasao nga aktibidad iti panangidaulo ni Governor Cecilia Araneta Marcos iti Carson Events Center, Carson, California idiay Estados Unidos.
Daytoy ket babaen iti panagkikinnamayet ti Philippine Consulate General idiay Los Angeles, California, ti Provincial Government of Ilocos Norte, Ilocos Norte Tourism Office, ken Department of Science and Technology – Philippine Textile Research Institute wenno DOST – PTRI.
Naitampok iti nasao nga aktibidad ti “artistry, craftsmanship”, ken “cultural legacy” ti inabel ti Ilocos Norte kangrunaan na kadagiti inabel ni “National Living Treasure” Magdalena Gamayo.
Immuna iti daytoy naisayangkat ti balligi a pannakapabaro ti panagpinnirma ti Ilocos Norte ken Hawaii iti “sisterhood agreement”.
Naammoan a ti nadakamat nga aktibidad ti naudi nga aktibidad ti delegasyon ti Ilocos Norte idiay Hawaii.
